Iltimos, tupurmay yuring!
Yurgan yo’ling yuzing deb bil.
@BoburAkmalov:
“ Ertalab. Rus. Qo’lidagi axlatini borib o’rnaga tashladi. Ertalab.
O’zbek. Xoynahoy ishlash uchun viloyatdan kelgan bo’lsa kerak. Og’zidagi
nosini yo’lakka tupurdi.”
Bu bir ikki xil holat, ikki xil vaziyat, millatlar ham turlicha. Xo’sh o’zining turar joyi oldilari, umuman shahar ozodaligiga ruslar va o’zbeklar boshqacha qarashadimi, yoinki viloyatliklarni olaylik.
Mening fikrimcha, bunga zarracha
mahalliychilik, millatning aloqasi yo’q, bor-yo’g’i ayrim kishilarda
ko’cha-kuyda yurish madaniyatining yo’qligi hamda atrof-muhit tozaligiga
loqaydligidan. Tepadagi mahalliychilik qilib yozilgan twit muhokamasiga
keyin to’xtalamiz, u keyingi ikkinchi masala!
Hozir bilamiz, bahor fasli, ba’zan yog’ayotgan yomg’ir
yerdagi kirlarni yuvadi, havoni changdan tozalaydi. Lekin shunday bo’lsada,
yo’llarda ba’zi kishilarni tupurib, qo’pol bo’lsada aytish kerak, burun qoqib
(aksariyat erkaklar) o’tib ketishlariga ko’zimiz tushadi. Bu atrofdagi odamlarni
kayfiyatini buzish bilan birga yo’lakni ham ko’ngil aynir darajaga keltirib
bejab qo’yishadi. Undan keyingi o’tib-qaytadigan odamlar o’zlari xohlamasa ham ular
qoldirgan “san’at asari”ga beixtiyor ko’zlari tushadi.
Qishda qorlar orasida sezilmasdi, hatto
axlatlar ham ko’rinmasdi. Ammo kunlar isib havo iligandan keyin afsuski, mana
bunday yuqoridagi holatlarning hammasi yaqqol ko’rinadigan bo’lib qoldi. Umuman
olganda ba’zi joylarda yerga qarab yurib bo’lmaydi, odamni behuzur qiladigan
holatlar ko’p. Bularni tushuntirish, targ’ibot ishlari bilan odamlarni
ozodalikka chorlash orqali oz bo’lsada natijaga erishish mumkin, lekin baribir
har bir insonning o’zida madaniyat bo’lmasa bu biroz mushkul masala.
Shu
o’rinda mana shu ko’chada yurish borasida ma’lum qonun-qoida belgilansa
yaxshi edi deb hisoblayman. Har bir tashlangan qog’ozmi, pista
po’chog’imi, ma’lum jarimaga tortilsa, yoinki tepada aytilganidek har
qayerda tupurib yuradiganlar uchun ham ma’lum jazo o’ylab ko’rilsa degan
taklifni bergan bo’lardim.
Bir manbada o’qigan edim havosining tozaligi
va aholisining yashash umrining uzunligi bilan hammamizga ma’lum
bo’lgan Shvetsiya mamlakatida ko’chada hatto bir dona pista po’chog’ini
qoldirgan odamga nisbatan jazo qo’llanib, jarimaga tortilar ekan.
Odamlar shu holatga kelganki, ular qonun yuzasidan emas, ozoda
yurish-turish kunlik odatiy holga aylangan.
Qaniydi bizda ham bu joriy
etilsayu, gap bilan yo’lga solib, tartibga keltira olinmagan ba’zibir
kishilarni qonun-qoidalar orqali madaniyatli shaxsga aylantirsak.
8.04.2014.
Комментариев нет:
Отправить комментарий