Pul – qanday yoqimli so’z ☺
Pul haqida nima yozishni o’ylab turgan bir paytimda, ancha oldin shu haqda bildirilgan fikr yodimga tushdi. Muallifi aniq esimda yo’qkuya, ammo so’zlari shunday edi:
“To’g’ri, ortiqcha pulni foniy dunyoga olib ketib bo’lmaydi, lekin shu sabil yetarlicha bo’lmasa boqiy dunyoda ham xotirjam yashay olmaysan”.
Rostini
aytadigan bo’lsam, o’zim ham uning fikrlariga qo’shilaman. Yashirib
nima qildim, pul bo’lmasa, istalgan kiymingni kiyolmaysan, havasing
ketgan narsani yeyolmaysan, teatr, kino, hiyobon, umuman biror joyda
xordiq chiqarmoqchi bo’lsang borolmaysan, istalgan attraksioningda
to’yguningcha ucholmaysan.
Ishxonangda hamma tushlikka chiqib ketadi,
tushlikka yetarlicha puling bo’lmasa, hijolat chekasan chiqolmaysan,
uyingda chiroq yo’q, puli to’lanmagan, ishdan charchab kelganda maza
qilib televizor ko’rolmaysan.
Oylik maoshing kam chiroq bilan gazni puli
hop amallab to’langan bo’lsayu, ammo issiqda horib charchab kelib, dush
qabul qilaman desang issiq suv yo sovuq suvni puli to’lanmagan bo’lsa
maza qilib yuvinolmaysan.
Bolalarning biri maktabga, birining
bog’chasidagi xarajatlarchi uni berish kerak, puling bo’lmasa bolangni
bog’chaga qo’yolmaysan, yoki bolalaringdan biri musiqaga yoinki sportga
qiziqib qoldi, to’garagiga qatnashishini xohlaysanu, ammo uning
xarajatlarini o’ylab o’ylovdan oqargan sochlaring yana bittaga
ko’payadi, bolangning ko’nglini cho’ktirolmaysan.
Qarindoshing to’y
qilyapti, yaxshigina to’yona qilsang dasturxonda gerdayib o’tirasan,
sani to’yingda qilgan harajatni ko’proq qilib qaytarganing bilan
tiliqisiqlik joying bo’lmaydi, xullas, pul judayam kerakli narsa, pul
qo’lni kiri deymizu, uning bor ekanligi baribir juda yaxshida. U bo’lsa
ko’ngling to’q, kayfiyating chog’, ishlaring besh bo’ladi. Agar ular
yanayam xarajatlaringdanam ziyoda bo’lsaku nur ustiga a’lo nur!
Menga
pul kerak emas, uni o’rniga boshqa narsani tanlayman degan odamga
ishonmang, uning javobi samimiy bo’lmaydi, ich-ichidan xohlab turadiyu
aytolmaydi.☺
Комментариев нет:
Отправить комментарий