Zardoli
Daraxt
haqida o’ylaganimda ko’proq bolaligimda yozda mevalari paqqos
tushiraladigan, oftobda tilladek yal-yal yaltiraydigan o’rik daraxtimiz yodimga
tushadi.
Hovlimizda
daraxtlar judayam ko’p. Uyimizga kelgan har qanday odamning e’tiborini
tortadi. Mehmonlarimizdan doim eshitadigan bir xil gap bor: “Hech shubhasiz, hovlingiz xuddi boqqa o’xshaydiya!”
Haqiqatan ham dadamning daraxtlarga bo’lgan mehr-muhabbatlari, sa’y-harakatlari bilan har qaysi mevaning eng yaxshi turidan ko’chat olib kelib ekib, ularni parvarishlab, payvandlab, unib o’stirganlar. Mevalarning ta’mini bilish, maza qilib yeyish esa bizning yumush edi.☺
Haqiqatan ham dadamning daraxtlarga bo’lgan mehr-muhabbatlari, sa’y-harakatlari bilan har qaysi mevaning eng yaxshi turidan ko’chat olib kelib ekib, ularni parvarishlab, payvandlab, unib o’stirganlar. Mevalarning ta’mini bilish, maza qilib yeyish esa bizning yumush edi.☺
Menga
hammasidan ham ko’ra o’rik daraxtimizdagi dadam qilib bergan arg’imchoq
judayam yoqardi. Uzun va baquvvat ip bilan qilingan hamda o’zimga mos
qilib yasalgan qizil mitti o’tirg’ichi bor bu arg’imchoq
bolalagimni va ukam bilan talashib-tortishib o’tkazgan yoqimli
damlarimni eslatadi.
Tabiatan
qo’rqinchli, dahshatli narsalarga o’ch qizaloq bo’lganligim boismi,
qattiq va baland uchishdan aslo cho’chimasdim. Qaytanga bu meni
zavq-shavqqa to’ldirardi. “Yana, yana, yanayam qattiqroq!” bu
meni doimiy takrorlaydigan so’zlarim edi.
Mana yillar o`tdi, men ulg'ayganim sari qadrdon o`rigim qarib bordi. Avval shoxlari, keyin butun tanasi kesildi. Daraxt tanasini mana mayda-mayda bo’laklarga bo’lib, hovli to’riga joyashtirib ham qo’yishdi.
Arg’imchoq ham endi yo’q. Bor ammo aynan o’rik daraxtida emas. Boshqa yosh daraxtda.
Uning foydalanuvchilari ham endi boshqa.
Egalari boshqa. Ularni tomosha qilaman.
Jiyanlarimga havasim keladi.
Hayot ham daraxtlar yosh nihollarga o`rin bo`shatib berganidek shu zaylda davom etaveradi...
Mana yillar o`tdi, men ulg'ayganim sari qadrdon o`rigim qarib bordi. Avval shoxlari, keyin butun tanasi kesildi. Daraxt tanasini mana mayda-mayda bo’laklarga bo’lib, hovli to’riga joyashtirib ham qo’yishdi.
Arg’imchoq ham endi yo’q. Bor ammo aynan o’rik daraxtida emas. Boshqa yosh daraxtda.
Uning foydalanuvchilari ham endi boshqa.
Egalari boshqa. Ularni tomosha qilaman.
Jiyanlarimga havasim keladi.
Hayot ham daraxtlar yosh nihollarga o`rin bo`shatib berganidek shu zaylda davom etaveradi...
Комментариев нет:
Отправить комментарий